कोरोनाचा प्रार्दुभाव रोखण्यासाठी जिल्हयात दंडात्मक कारवाई करण्याचे आदेश जारी

                  दिनांक:-09 जूलै 2020

कोरोनाचा प्रार्दुभाव रोखण्यासाठी जिल्हयात

दंडात्मक कारवाई करण्याचे आदेश जारी

लातूर दि.9-(जि.मा.का.)-जिल्हयात कोरोना विषाणू (कोव्हीड-19) चा प्रार्दुभाव रोखण्यासाठी जिल्हाधिकारी तथा जिल्हा आपत्ती व्यवस्थापन प्राधिकारणचे अध्यक्ष जी. श्रीकांत यांनी कोरोना (कोव्हीड-19) संसर्ग व प्रार्दुभाव रोखण्यासाठी विविध उपाययोजनेचा एक भाग म्हणून दुचाकी वाहनावर एका व्यक्तीपेक्षा जास्त, ऑटो रिक्षात (1+2) पेक्षा जास्त , कारमध्ये  (1+2) पेक्षा जास्त प्रवासी आढळून आल्यास तसेच सार्वजनिक ठिकाणी चेहऱ्यावर मास्कचा वापर न करणाऱ्या व्यक्तीविरुध्द पुढील प्रमाणे दंडात्मक कारवाई करण्याचे आदेश  जारी केले आहेत. यामध्ये घरातील महिला / आई / वडील/ मुलगा/ मुलगी ई. यांचेसमवेत दुचाकी वाहनावर प्रवास करण्याची सुट देण्यात येत असून अशा व्यक्तीवर दंडात्मक कारवाई करण्यात येणार नाही. 

कोव्हीड-19 प्रतिबंधासाठी आवश्यक वैयक्तिक शिस्त भंगाचा प्रकार, दंडात्मक कारवाई , कारवाई करणारा विभाग पुढील प्रमाणे आहे. सार्वजनिक ठिकाणी चेऱ्यावर मास्कचा वापर न केल्यास रु. 500/- दंड कारवाई करणारा विभाग -स्थानिक स्वराज्य, (म.न.पा./न.पा./न.पं./ग्रा.पं.) / पोलीस /महसूल विभाग, संबंधित विभागाने शिस्तभंग करणाऱ्या व्यक्तीवर निशुल्क मास्क पुरवून घालावयास सांगून सदर कार्यवाही समक्ष पूर्ण करुन घेण्याची दक्षता घ्यावी. दुचाकी वाहनावर एका व्यक्तीपेक्षा जास्त आढळल्यास रु. 500/- दंड व  दुचाकी वाहनावर दोन व्यक्तीपेक्षा जास्त आढळल्यास रु. 750/- दंड कारवाई करणारा विभाग स्थानिक स्वराज्य, (म.न.पा./न.पा./न.पं./ग्रा.पं.) / पोलीस /महसूल विभाग,राहील.

प्रवासी तीनचाकी ऑटो रिक्षात (1+2) तीनपेक्षा जास्त प्रवासी आढळून आल्यास रु. 500/- दंड कारवाई करणारा विभाग स्थानिक स्वराज्य, (म.न.पा./न.पा./न.पं./ग्रा.पं.) / पोलीस /महसूल विभाग, राहील.  तसेच प्रवासी चारचाकी कार मध्ये (1+2) तीन पेक्षा जास्त प्रवासी आढळून आल्यास रु.1000/-दंड कारवाई करणारा विभाग स्थानिक स्वराज्य, (म.न.पा./न.पा./न.पं./ग्रा.पं.) / पोलीस /महसूल विभाग,कारवाई करतील. असे ही आदेशात नमुद केले आहे.

*****