निखळ मनोरंजन करणारा कलाकार हरपला - अमित विलासराव देशमुख

निखळ मनोरंजन करणारा कलाकार हरपला

 -- अमित विलासराव देशमुख

 

मुंबई दि. ८ जुलै

    "हिंदी चित्रपट सृष्टीतील ज्येष्ठ अभिनेते जगदीप यांच्या निधनामुळे निखळ मनोरंजन करणारा कलाकार आपण गमावला आहे", अशा शब्दात सांस्कृतिक कार्य मंत्री अमित विलासराव देशमुख यांनी शोक व्यक्त केला आहे.

   "बाल कलाकार म्हणून हिंदी चित्रपटसृष्टीत पाऊल ठेवलेल्या जगदीप यांनी पुढे अनेक चित्रपटांमध्ये उत्कृष्ट विनोदी भूमिका साकारून प्रेक्षकांना निखळ आनंद दिला. शोले चित्रपटात त्यांनी साकारलेली "सुरमा भोपाली" ही व्यक्तिरेखा रसिक विसरू शकत नाही. त्यांच्या जाण्याने एक उत्कृष्ट अभिनेता आपण गमावला आहे", असेही देशमुख यांनी शोकसंदेशात  म्हटले आहे.

--------------------