गुरूनाथ मगे यांच्या वाढदिवसानिमित्त एक बुथ, एक वृक्ष संकल्पना लातूरात रूजली

गुरूनाथ मगे यांच्या वाढदिवसानिमित्त एक बुथ, एक वृक्ष संकल्पना लातूरात रूजली

लातूर ः भाजपाचे शहर जिल्हाध्यक्ष गुरूनाथ मगे यांच्या वाढदिवसानिमित्त एक बुथ, एक वृक्ष हि संकल्पना शहर विधानसभा मतदारसंघात रुजविण्यात आली. या अंतर्गत 329 वृक्षांचे रोपन करून त्याचे संगोपन करण्याचा निर्धार व्यक्त करण्यात आला. तसेच वाढदिवसाचे औचित्य साधून कोरोना विरूध्द लढा देण्यासाठी मास्क आणि सॅनिटायझरचे वाटप करण्यात आले. गरजुंना अन्नदान करून गुरूनाथ मगे यांचा वाढदिवस  विविध  उपक्रमांनी साजरा करण्यात आला.

भाजपाचे शहर जिल्हाध्यक्ष तथा विश्‍व सुपर मार्केटचे संचालक गुरुनाथ मगे यांच्या वाढदिवसानिमित्त शहर भाजपाने एक बुथ एक वृक्ष हि संकल्पना राबविली. शहरातील 7 मंडल अंतर्गत येणार्‍या विधानसभा मतदारसंघातील प्रत्येक बुथ परिसरात भाजप पदाधिकारी व कार्यकर्त्यांनी 329 वृक्षांचे रोपन करून त्याचे संगोपन करण्याचा निर्धार व्यक्त केला. त्याचबरोबर सध्या कोरोना विषाणुचा संसर्ग मोठ्या प्रमाणात होत असून शहराअंतर्गत अनेक कोरोनाबाधीत रूग्ण आढळून येत आहेत.  त्यामुळे कोरोना संसर्ग टाळण्यासाठी ज्या उपाययोजना करण्यात येत आहेत त्याचे जनजागरण करण्यात आले. त्याचबरोबर कोरोनापासून स्वरक्षण व्हावे याकरिता मास्क आणि सॅनिटायझर शहरातील विविध भागामध्ये वाटप करण्यात आले. वाढदिवसाचे औचित्य साधून लातूरचे ग्रामदैवत श्री सिध्देश्‍वराचे घेवून लवकरच कोरोना मुक्त लातूर व्हावे असे साकडे घालण्यात आले. शहरातील मातोश्री वृध्दाश्रमात असलेल्या वयोवृध्दांना अन्नदान करून गुरूनाथ मगे यांचा वाढदिवस साजरा करण्यात आला.

एक बुथ, एक वृक्ष या संकलपनेच्या माध्यमातून शहर परिसरात 329 वृक्षांचे रोपन करण्यात आलेले आहे. आगामी काळात या वृक्षांचे संगोपन होवून त्यांचा वाढदिवसही पुढील वर्षी साजरा करण्याचा निर्धार यावेळी व्यक्त करण्यात आला. गुरूनाथ मगे यांच्या वाढदिवसानिमित्त विविध उपक्रम राबविण्यात आलेले असून याकरिता भाजपा प्रदेश व्यापारी आघाडीचे मनीष बंडेवार, शिरीष कुलकर्णी, अ‍ॅड.दिग्विजय काथवटे, प्रविण सावंत, मंडल अध्यक्ष गणेश हेड्डा, अ‍ॅड.ललीत तोष्णीवाल, ज्योतीराम चिवडे, रवि सुडे, संजय गिर, सतीष ठाकूर, प्रविण घोरपडे,भाजयुमोचे शहर जिल्हाध्यक्ष अजित पाटील कव्हेकर, महिला आघाडीच्या अध्यक्षा मिनाताई भोसले,  गणेश गवारे, अ‍ॅड.सुनिल पाटील, विपुल गोजमगुंडे, अमोल गिते यांच्यासह भाजपाचे नगरसेवक, पदाधिकारी व कार्यकर्ते आदिंनी सहभाग नोंदविला होता. गुरूनाथ मगे यांना शहराच्या विविध स्तरातील प्रतिष्ठीत, व्यापारी यांच्यासह सामाजिक व पक्ष संघटनेच्या पदाधिकार्‍यांनी वाढदिवसानिमित्त शुभेच्छा दिल्या.