मानवतेच्या सेवेसाठी जमियत उलमा ए हिंद देशभर क्रियाशील----मौलाना नदिम सिद्दीकी
सोलापूर ता.९-३-२०२१ अल्लाहने दिलेल्या आदेशानुसार मानवतेच्या सेवेसाठीजमियत उलमा ए हिंदचे कार्यकर्ते देशभर क्रियाशील आहेत. सोलापूर जिल्ह्यातील जमियतचे कार्यकर्ते व उलेमांनी धार्मिक कार्याबरोबच मानवसेवा गावपातळीवर करावी असे आवाहन *जमियत उलेमा ए हिंदचे प्रदेश अध्यक्ष मौलाना नदिम सिद्दीकी* यांनी जमियतच्या जिल्हा कार्यकर्त्यांच्या बैठकीत केले. जामिया उमर फारूक,नई जिंदगी सोलापूर येथे जिल्हा बैठकीत नुतन पदाधिकारी निवडण्यात आले. यावेळी जमियत उलमा ए हिंद ची सोलापूर जिल्हा कार्यकारिणी समिती निवडण्यातआली. सुरुवातीला कारी ईद्रिस यांनी कुरान पठन केले तर कारी मोहीयोद्दीन यांनी पैगम्बर स्तुती पर नात सादर केली. मौलाना इब्राहिम कासमी यांनी प्रास्ताविक केले तर मौलाना हरीस ईशाअती यांनी सूत्रसंचालन केले.
सोलापूरचे जिल्हाध्यक्ष म्हणून *मौलाना इब्राहिम कासमी* यांची फेरनिवड करण्यात आली तर उपाध्यक्ष म्हणून मौलाना हारिस इशाअती, हाजी अय्यूब मंगलगिरी, हाजी अ.सत्तार दर्जी शहर जनरल सेक्रेटरी म्हणून हाजी मैनोद्दीन शेख व जिल्हा जनरल सेक्रेटरी म्हणून हसीब नदाफ यांची निवड करण्यात आली.तर सचिव म्हणून हाजी सलीम बागवान,अ. मजीद गदवाल, युनुस डोणगावकर,मो.युसुफ प्यारे व अ.शुकूर खलीफा यांची खजिनदार म्हणून निवड करण्यातआली.
हाफिज नदीम सिद्दिकी पुढे म्हणाले की,स्वातंत्र्यलढ्यात जमियत उलमाचे योगदान अनन्य साधारण आहे .स्वातंत्र्यानंतर सर्व जाती धर्माच्या लोकांवर येणाऱ्या कठीण परिस्थितीत जमियत उलमा त्यांच्या सोबत राहिली. कोरोना काळात सोळा करोड ऐंशी लाख रुपयाचे किट महाराष्ट्रात वाटप करण्यात आले. सांगली व कोल्हापूर येथील पूरग्रस्तांना मदत करण्यात आली.मतदान जनजागृती कार्यक्रम हाती घेण्यात आले. महाराष्ट्रात 26 लाख नवीन मतदार नोंदणी करण्यात आली तर 19 लाख लोकांची मतदान यादीत नाव दुरुस्ती करण्यात आली .
यावेळी मंगळवेढा तालूका अध्यक्ष म्हणून हाफीज रियाज,अक्कलकोट तालूका अध्यक्ष मौलाना ईब्राहीम ईशाअती,करमाळा तालूकाअध्यक्ष मौलाना मोहसिन,पंढरपूर तालूका अध्यक्ष मौलाना सलमान,मोहोळ तालूका अध्यक्ष हाफिज मुजिब,बार्शीतालूका अध्यक्ष मुफ्ती अब्दुल मोहीत,उत्तर सोलापूर अध्यक्ष हाफिज महेमुद,द.सोलापूर अध्यक्ष हाफीज सनाउल्ला नई जिंदगी विभाग अध्यक्ष मौलाना सादिक कासमी,सोलापूर शहर मध्य अध्यक्ष मौलाना तय्यब कासमी आदिंची निवड एकमताने करण्यात आली.यावेळी जमियत उलमा ई हिंद चे शहर व जिल्ह्यातील पदाधिकारी व कार्यकर्ते उपस्थित होते.मुफ्ती गौस यांनी आभार प्रदर्शन केले तर हाफिज युसुफ यांनी स्वागत केले.यावेळी वेगवेगळ्या समित्या व त्यांचे समन्वयक निवडण्यात आले तसेच तालूका निरिक्षक निवडण्यात आले.
0 टिप्पण्या
Do not enter this spam link in comment comment box.