भाजपचे ज्येष्ठ नेते माजी जिल्हाध्यक्ष तथा विद्यमान प्रदेश सचिव मा.नागनाथ निडवदे यांचे निधन

  भाजपचे ज्येष्ठ नेते माजी जिल्हाध्यक्ष तथा विद्यमान प्रदेश सचिव मा.नागनाथ निडवदे

(आण्णा) यांचं आज दुपारी औरंगाबाद येथे निधन झाले

शेवटच्या श्वासापर्यंत पक्ष संघटनेसाठी कार्यरत राहणारा सच्चा स्वयंसेवक हरवला-आ.संभाजीराव पाटील निलंगेकर

 लातूर/प्रतिनिधी: नागनाथअण्णा निडवदे यांनी स्वतःचे जीवन पक्षकार्यासाठी समर्पित केले होते.शेवटच्या क्षणापर्यंत ते पक्षकार्य करत राहिले.अण्णांच्या जाण्याने एक सच्चा स्वयंसेवक हरवल्याची भावना आ. संभाजीराव पाटील निलंगेकर यांनी व्यक्त केली.

  आ.निलंगेकर म्हणाले की, नागनाथअण्णा निडवदे हे पक्षाचे पाईक होते.पक्षाचा विचार घराघरात रुजवण्याचे मोलाचे काम त्यांनी केले.पक्ष विस्तारातही त्यांनी मोठी भूमिका निभावली.बुथरचना मजबूत करण्यासाठी ते झटत राहिले.

  आ.निलंगेकर यांनी सांगितले की,नागनाथअण्णा निडवदे सलग दोनवेळा पक्षाचे जिल्हाध्यक्ष होते. त्यांच्या कार्यकाळात जिल्ह्यात पक्ष संघटन मजबूत झाले.सर्व स्थानिक स्वराज्य संस्थांवर पक्षाचा झेंडा फडकवण्याचे काम अण्णांच्या संघटन कौशल्यामुळेच शक्य झाले. नागनाथअण्णा निडवदे यांच्या जाण्यामुळे भारतीय जनता पक्षाची मोठी हानी झाली आहे.कौटुंबिक पातळीवर माझे अतोनात नुकसान झाले आहे. अण्णांच्या जाण्याने निर्माण झालेली पोकळी कधीही भरून न येणारी आहे.एक सच्चा संघ स्वयंसेवक,पक्षाचा एकनिष्ठ कार्यकर्ता, ध्येयवादाने प्रेरित होवून अखंड कार्यरत राहणारा नंदादीप आज शांत झालेला असल्याचेही आ.निलंगेकर यांनी म्हटले आहे.

भाजपाचा सच्चा,एकनिष्ठ कार्यकर्ता व मित्र गमावला

भारतीय जनपा पार्टी पक्षाचे माजी जिल्हाध्यक्ष तथा पक्षाचे प्रदेश सचिव प्रा.नागनाथण्णा निडवदे यांचे संभाजीनगर(औरंगाबाद) येथे अकाली निधन झाले. त्यांच्या अचानक जाण्याने भाजपाचे पक्षाचे व सर्वसामान्यांचे मोठे नुकसान झालेले आहे. त्यांची काम करण्याची पध्दत,संघटन कौशल्य यामुळे त्यांच्याकडे कार्यकर्त्यांची मोठी फळी जमलेली होती. परंतु त्यांच्या अचानक निधनामुळे भाजपाचा एक सच्चा, एकनिष्ठ कार्यकर्ता व माझा मित्र गमावला असल्याची प्रतिक्रिया भाजपा नेते तथा माजी आ.शिवाजीराव पाटील कव्हेकर यांनी दिली.
साधा सरळ स्वभाव असल्यामुळे त्यांच्याकडे कार्यकर्त्यांची फळी मोठी होती. सुरूवातीपासून आतापर्यंत त्यांनी पक्षवाढीसाठी मोठ्या प्रमाणात योगदान दिले. त्यांच्या कामाची दखल घेवून त्यांना भाजपाचे माजी जिल्हाध्यक्ष व गोदावरी पाठबंधारे विकास महामंडळाच्या उपाध्यक्षपदी काम करण्याची संधी मिळाली होती. त्यांनी त्या महामंडळाचेही खुप चांगले काम केले. म्हणून त्यांना प्रदेश सचिवपदी काम करण्याची संधीही पक्षाने दिली. परंतु त्यांच्या अचानक जाण्यामुळे भाजपा पक्षाचे आणि सर्वसाामान्य कार्यकर्त्यांचेही मोठे नुकसान झालेले आहे. त्यांच्या आत्म्यास चिरशांती लाभो हिच ईश्‍वरचरणी प्रार्थना      --------

अत्यंत वेदनादायक दुःखद घटना... 

राष्ट्रीय स्वयंसेवक संघाचे स्वयंसेवक,  

संघाचे अनेक वर्ष पूर्णवेळ प्रचारक म्हणून काम केलेले कार्यकर्ते, 

भारतीय जनता पक्षाचे लातूर जिल्हा माजी जिल्हाध्यक्ष, व विद्यमान प्रदेश सचिव आणि माझे परममित्र आदरणीय नागुअण्णा निडवदे यांना देवाज्ञा झाल्याची वार्ता ऐकताच दोन्ही डोळ्यातून आपोआप अश्रू धारा वाहू लागल्या.... 

नागनाथअण्णा यांचा असे अचानक जाण्याचा मला प्रचंड धक्का बसला आहे. एका परमप्रिय मित्राला मी कायमचा मुकलो याचं प्रचंड दुःख होत आहे.   

परमेश्वराच्या चरणी मी प्रार्थना करतो हे दुःख सहन करण्याची शक्ती निडवदे परिवाराला मिळो... त्यांच्या आत्म्यास परमेश्वर चिरशांती देवो... 

नागनाथअण्णा निडवदे यांना मी आणि माझ्या परिवाराच्या वतीने भावपूर्ण श्रद्धांजली अर्पण करतो... 

 

व्यंकट पनाळे  

लोकाधिकारप्रमुख  

लोकाधिकार संघ, महाराष्ट्र

--