जिल्ह्यात कोविड-19 च्या 56 रुग्णांवर उपचार सुरु
14 रुग्ण बरे झाल्याने डिस्चार्ज ; तर नव्याने 01 रुग्ण
हिंगोली, (शेख इमामोद्दीन जिला प्रतिनिधी ) दि. 17 : जिल्ह्यात कोविड-19 च्या 65 रुग्णावर उपचार सुरु असून 14 रुग्ण बरे झाल्याने त्यांना डिस्चार्ज देण्यात आला आहे. तर आज एका रुग्णाचा अहवाल पॉझिटिव्ह आल्याची माहिती जिल्हा शल्य चिकित्सक डॉ. राजेंद्र सुर्यवंशी यांनी दिली आहे.
आज प्राप्त झालेल्या अहवालानुसार रॅपीड अँटीजन टेस्टद्वारे सेनगाव परिसरातील 01 व्यक्तीचा कोविड-19 अहवाल पॉझिटिव्ह आढळून आला आहे.
सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या कोविड-19 रुग्णांपैकी 30 रुग्णांची प्रकृती गंभीर असल्याने त्यांना ऑक्सीजन चालू आहे. तर 04 कोविड-19 रुग्णांची प्रकृती अतिगंभीर असल्यामुळे त्यांना बायपॅप मशीनवर ठेवण्यात आले आहे. अशाप्रकारे आज रोजी एकूण 34 रुग्णांची प्रकृती चिंताजनक असून तज्ज्ञ डॉक्टरामार्फत त्यांच्यावर उपचार सुरु आहेत.
जिल्ह्यात आजपर्यंत कोविड-19 चे एकूण 15 हजार 891 रुग्ण झाले असून, त्यापैकी 15 हजार 456 रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण 56 रुग्णांवर उपचार सुरु आहेत. तसेच कोविड-19 मुळे जिल्ह्यात आतापर्यंत 379 व्यक्तींचा मृत्यू झाला असल्याचे जिल्हा शल्यचिकित्सक डॉ. राजेंद्र सुर्यवंशी यांनी कळविले आहे.
****
0 टिप्पण्या
Do not enter this spam link in comment comment box.