लातूर औसा रोड वर भिषण अपघात पती-पत्नीचा जागीच मृत्यू

 औसा: प्रतिनिधी

दि.23 - लातूर औसा रोड वर भिषण अपघात झाल्याची घटना घडली आहे. या अपघातात पती-पत्नीचा जागीच मृत्यू झाला आहे. तर त्यांची मुलगी अत्यंत गंभीररित्या जखमी झाली आहे. हे तिघेही दुचाकीवर होते. बाजूने जाणाऱ्या ट्रकच्या चाकाखाली अडकल्यामुळे पती-पत्नीचा जागीच मृत्यू झाला. ही घटना हृदय हेलावून टाकणारी आहे. या अपघातात गंभीर जखमी मुलीला लातूर शासकीय रुग्णालय येथे उपचारासाठी तातडीने हलवण्यात आले आहे. कर्नाटकातील बिदर जिल्ह्याततील भालकी तालुक्यातील वांजरखेडा या गावाचे राजाभाऊ राठोड पत्नी सखुबाई राठोड आणि मुलगी स्वाती  राजाभाऊ राठोड हे लातूर हून आपल्या जावयाकडून आपल्या राहत्या घरी देवाचा कार्यक्रम पूर्ण करून गावी जात होते. औसा लातूर येथील कारंजे खडी केंद्राजवळ ट्रक व दुचाकीचा अपघात झाला यात पती-पत्नी जागीच ठार झाले व मुलगी स्वाती राठोड ही गंभीर जखमी झाल्याने शासकीय रुग्णालय लातूर येथे हलविण्यात आले आहे. घटनेची माहिती कळताच तत्परता दाखवत घटनास्थळी औसा पोलिस दाखल झाले व पुढील कार्यवाही केली. काही काळाकरिता या ठिकाणी वाहनांची गर्दी निर्माण झाली होती. महामार्गाचे काम चालू असल्याने एक साइड चा रस्ता चालू होता. त्यावरती येणाऱ्या जाणाऱ्या वाहनांची गर्दी असल्याने हा अपघात घडला असावा अशी चर्चा त्या ठिकाणी होती.