जेएसपीएम लातूर प्लेसमेंट सेलच्या प्रमुखपदी डॉ.शैलेश कचरे तर सचिवपदी राजकुमार साखरे यांची नियुक्ती

 

   जेएसपीएम लातूर प्लेसमेंट सेलच्या प्रमुखपदी
डॉ.शैलेश कचरे तर सचिवपदी राजकुमार साखरे यांची नियुक्ती 

लातूर दि.23/07/2021
जेएसपीएम संस्थेअंतर्गत चालणार्‍या विविध युनिटच्या माध्यमातून हजारोच्या संख्येने विद्यार्थी शिक्षण घेवून बाहेर पडत आहेत. त्या विद्यार्थ्यांना शिक्षण झाल्यानंतर तात्काळ नोकरीची संधी उपलब्ध व्हावी. या दृष्टिकोणातून जेएसपीएम संस्थेच्यावतीने प्लेसमेंट सेल स्थापन करण्यात आलेला आहे. या प्लेसमेंट सेलच्या प्रमुखपदी महाराष्ट्र कॉलेज ऑफ नर्सिंग कॉलेज लातूरचे समन्वयक डॉ.शैलेश कचरे यांची तर सचिवपदी राजकुमार साखरे यांची नियुक्ती करण्यात आली असून या सबंधीचे नियुक्तीपत्र जेएसपीएम संस्थेचे संस्थापक अध्यक्ष तथा माजी आ.शिवाजीराव पाटील कव्हेकर यांच्या आदेशानूसार जेएसपीएमचे  समन्वयक विनोद जाधव यांच्याहस्ते समन्वयक डॉ.शैलेश कचरे यांना देण्यात आले.
जेएसपीएम संस्थेअंतर्गत स्वामी विवेकानंद इन्स्टिट्युट ऑफ पॉलिटेक्निक, महाराष्ट्र कॉलेज ऑफ नर्सिंग, स्वामी विवेकानंद आयटीआय कॉलेज, शिवाजी महाविद्यालय रेणापूर,स्वामी विवेकानंद विद्यालय,लातूर या टेक्निकल, नॉन टेक्निकल व पॅरामेडीकल क्षेत्राशी सबंधीत युनिटमधून असंख्य विद्यार्थी शिक्षण घेत आहेत. या विद्यार्थ्यांना शिक्षण घेत असताना विविध क्षेत्रामध्ये नोकरीची संधी उपलब्ध व्हावी, त्यांच्या जीवनाला योग्य दिशा मिळावी. या दृष्टिकोणातून संस्थेने प्लेसमेंट सेल स्थापन केला असून या प्लेसमेंट सेलच्या प्रमुखपदी डॉ.शैलेश कचरे यांची नियुक्ती करण्यात आली आहे. तर सचिवपदी प्राचार्य राजकुमार साखरे यांची नियुक्ती करण्यात आलेली आहे, तर सदस्यामध्ये प्रा.मगर, प्रा.डॉ.शंकर यादव, प्रा.डॉ.गणेश नागरगोजे, प्रा.मनोज गायकवाड, प्रा.पांचाळ आदींचा समावेश आहे.  त्यांच्या या निवडीबद्दल त्यांचे कौतुक होत आहे.
---