पुण्यश्लोक अहिल्यादेवी होळकर सोलापूर विद्यापीठाच्या
उर्दू विभागातर्फे आंतरराष्ट्रीय उर्दू दिवस साजरा
सोलापूर- पुण्यश्लोक अहिल्यादेवी होळकर सोलापूर विद्यापीठ, सोलापूर उर्दू विभागाच्यावतीने जागतिक उर्दू दिनानिमित्त "इक्बालच्या कलाममधील देशभक्तीचे घटक" या विषयावर व्याख्यानाचे आयोजन करण्यात आले होते. 9 नोव्हेंबर 2023 रोजी भाषा संकुल उर्दू विभागचे प्र. संचालक डॉ. केदारनाथ कानोने यांच्या अध्यक्षतेखाली ऑनलाइन व्याख्यान आयोजित करण्यात आले होते. उर्दू विभागाच्या प्राध्यापिका व कार्यक्रमाची समन्वयक डॉ.सुमैया बागबान यांनी कार्यक्रमाचे अध्यक्ष डॉ.कानोने, प्रमुख पाहुणे अंजुमन पदवी महाविद्यालय विजयपुरच्या उर्दू विभागाचे अध्यक्ष डॉ.अलीमुल्ला हुसैनी व सर्व उपस्थितांचे स्वागत केले. डॉ.केदारनाथ कानोने यांनी कार्यशाळेचे उद्घाटन करून कार्यक्रमाचा उद्देश मांडला.
कार्यक्रमाचे विशेष वक्ते डॉ अलीमुल्लाह यांनी आपल्या विस्तारित भाषणात कलाम इक्बालमधील देशभक्तीचे घटक या विषयावर मुद्देसूद माहिती दिली. डॉ.हुसैनी यांनी आपल्या भाषणात इक्बाल यांच्या देशावरील प्रेम, एकता, याविषयीच्या विविध कवितांचे वाचन केले आणि अतिशय सोप्या व स्पष्ट शब्दात त्यांनी विविध उदाहरणांसह आपले म्हणणे मांडले.
अध्यक्षीय भाषणात डॉ.कानोने यांनी जागतिक उर्दू दिनानिमित्त तमाम उर्दू प्रेमींना शुभेच्छा दिल्या आणि इक्बाल हे देशभक्त कवी होते आणि त्यांनी देशात राष्ट्रीय एकात्मता प्रस्थापित करण्यासाठी सारे जहाँ से अच्छा हिंदुस्तान हमारा सारखी कविता लिहिली. उर्दू भाषेच्या संवर्धनासाठी इक्बाल यांनी खूप महत्त्वाची भूमिका बजावली आहे. त्यामुळे त्यांच्या जन्मदिनी जागतिक उर्दू दिन साजरा केला जातो.
या कार्यक्रमात उर्दू विभागाचे विद्यार्थी, रिसर्च स्कॉलर्स स्कूल ऑफ लँग्वेजेस अँड लिटरेचरचे शिक्षक मोठ्या संख्येने सहभागी झाले होते. डॉ.शफी चौबदार यांनी उर्दू विभाग व सर्व उपस्थितांना आंतरराष्ट्रीय उर्दू दिनानिमित्त शुभेच्छा दिल्या.डॉ.सुमिया बागबान यांनी कार्यक्रमाचे उद्दीष्ट व सर्व प्रशासकीय कामकाज उत्तम प्रकारे पार पाडले. उर्दू विभागाच्या प्राध्यापिका डॉ.आयेशा पठाण यांनी प्रमुख पाहुण्यांचा परिचय करून दिला व आभार मानले.
0 टिप्पण्या
Do not enter this spam link in comment comment box.