महाशिवरात्रीनिमित्त मुक्तेश्वर यात्रा महाप्रसाद रद्द....

 महाशिवरात्रीनिमित्त मुक्तेश्वर यात्रा महाप्रसाद रद्द.... 

औसा प्रतिनिधी/ - कोरोना विषाणूंचा दुसरा टप्पा सुरू असून दिवसेंदिवस कोरोना रुग्णांची वाढती संख्या लक्षात घेऊन औसा येथील ग्रामदैवत श्री मुक्तेश्वर मंदिर समितीच्या वतीने  प्रतिवर्षाप्रमाणे आयोजित करण्यात येणारा यात्रा/उत्सव महाप्रसाद कार्यक्रम रद्द करण्यात आला आहे. महाशिवरात्रीनिमित्त दि. 11 मार्च 2021 रोजी ग्रामदैवत श्री मुक्तेश्वर मंदिरातील दर्शन मंडपात बाहेरून दर्शनाची व्यवस्था करण्यात आली असून सर्व भक्तांनी दर्शनासाठी येताना मास्क, सॅनिटायझरचा वापर करून सोशल डिस्टन्स नियमांचे पालन करणे आवश्यक आहे. दर्शनमंडपात मास्क शिवाय प्रवेश दिला जाणार नाही. तसेच एकाच वेळी फक्त 25 भक्तांना दर्शन मंडपात प्रवेश देण्यात येईल. ज्येष्ठ नागरिक व लहान मुलांनी मंदिर परिसरात गर्दी करणे टाळावे. तसेच पूजेचे साहित्य विक्रेत्यांनी गर्दी करू नये. यावर्षी यात्रा /उत्सव रद्द असल्याने दि. 12 मार्च 2021 रोजीचा महाप्रसाद सुद्धा रद्द करण्यात आला आहे. याची सर्व भक्तांनी नोंद घ्यावी असे आवाहन अॅड. मुक्तेश्वर वागदरे अध्यक्ष श्री मुक्तेश्वर  देवालय न्यास यांनी केले आहे...