औसा आणि लामजना येथील कोव्हीड केअर सेंटरला आ.अभिमन्यू पवार यांची अचानक भेट
औसा मुख्तार मणियार
औसा येथील आज दिनांक 10 मे 2021 सोमवार रोजी याकतपूर रोड, औसा लामजना येथील कोव्हीड केअर सेंटरला आमदार अभिमन्यू पवार यांनी भेट देऊन पाहणी केली. यावेळी आमदार पवार यांनी कोव्हीड केअर सेंटर मध्ये रुग्णाशी चर्चा करून त्यांना मिळत असलेले वैद्यकीय उपचार, नाष्टा, जेवणाची क्वालिटी, त्यांना येत असलेल्या अडचणी आदी बाबत जाणून घेतल्या. जेवण मागवून जेवणाची क्वालिटी तपासली. जेवणात काही वेळा फक्त भाजी तर काही वेळा फक्त दाळ मिळत असल्याचे निदर्शनास आल्यानंतर उपविभागीय अधिकारी व तहसीलदार यांच्याशी संपर्क करून रुग्णांना चपाती, भात, भाजी व डाळ असा संपूर्ण आहार दोन्ही वेळेस न चुकता मिळालाच पाहिजे असे स्पष्ट निर्देश दिले आहेत. यावेळी आमदार अभिमन्यु पवार यांनी रुग्णांशी चर्चा करून रुग्णांना न घाबरण्याचे आवाहन केले. डॉक्टरकडून मिळत असलेल्या उपचाराबाबत रुग्णांनी समाधान व्यक्त केले.
0 टिप्पण्या
Do not enter this spam link in comment comment box.