स्थानिक गुन्हे शाखा, लातूर ची कामगिरी, 05 गुन्हे उघडकीस,11 मोटरसायकल 03 लाख 48 हजार रुपयांचा मुद्देमाल जप्त. एका आरोपीस अटक*

         *स्थानिक गुन्हे शाखा, लातूर ची कामगिरी, 05 गुन्हे उघडकीस,11 मोटरसायकल 03 लाख 48 हजार रुपयांचा मुद्देमाल जप्त. एका आरोपीस अटक*

लातूर रिपोर्टर न्यूज़ ब्यूरो 

                या बाबत थोडक्यात हकीकत अशी की, पोलीस अधीक्षक श्री.निखिल पिंगळे यांचे आदेशान्वये अपर पोलीस अधीक्षक श्री.अनुराग जैन, उपविभागीय पोलिस अधिकारी लातूर शहर श्री.जितेंद्र जगदाळे यांचे मार्गदर्शनात पोलीस निरीक्षक स्थानिक गुन्हे शाखा श्री.गजानन  भातलवंडे यांचे नेतृत्वात पोलीस स्टेशनला घडलेले मालाविषयक गुन्हे उघडकीस आणण्याकरिता पोलीस अधिकारी व अंमलदार यांना सूचना व मार्गदर्शन करण्यात आले होते.

             पोलीस स्टेशनला दाखल असलेल्या विशेषता मोटारसायकल चोरीचे गुन्हे उघडकीस आणण्याकरिता विशेष पथके स्थापन करून गुन्हे उघड करण्याचे प्रयत्न सुरू होते .

           त्या अनुषंगाने सदर पथके माहितीचे संकलन करीत असताना, माहिती घेत असताना स्थानिक गुन्हे शाखेच्या पथकाला  माहिती मिळाली की, पोलीस ठाणे शिवाजी नगर येथे दाखल असलेल्या मोटारसायकल चोरी मधील एक्टिवा गाडी विकण्यासाठी एक इसम कुर्डूवाडी जिल्हा सोलापूर येथील एका विश्रामगृह परिसरात येणार आहे. अशी खात्रीशीर बातमी मिळाल्याने सदर पथक तात्काळ कुर्डूवाडी येथील विश्रामग्रह परिसरात पोचून तेथे सापळा लावला. थोड्याच वेळात बातमी प्रमाणे एक इसम कळ्या रंगाच्या एक्टिवा गाडी वरून येत असताना दिसला. पथकातील पोलिसांनी त्या एक्टिवा गाडीच्या चालकास थांबून त्यास विश्वासात घेऊन  विचारपूस केली असता त्याने त्याचे नाव 

1) रोहित सुभाष अलगुडे, वय 26 वर्ष, राहणार वडारवस्ती, खाडगाव रोड, लातूर. सध्या राहणार भैय्याचे रान, भीम नगर, कुर्डूवाडी जिल्हा सोलापूर. असे असल्याचे सांगितले.

                 तसेच त्यांच्या ताब्यात असलेल्या एक्टिवा गाडी संदर्भाने विचारपूस केली असता सांगितले कि, सदरची एक्टिवा गाडी काही दिवसापूर्वी लातूर शहरातून चोरी केलेली आहे. तसेच लातूर शहरातील विविध ठिकाणाहून आणखीन मोटरसायकली चोरी केल्याचे सांगून सदरच्या चोरी केलेल्या मोटरसायकली तो सध्या राहत असलेल्या कुर्डूवाडी येथील घराच्या समोरील मोकळ्या जागेत ठेवलेल्या असल्याचे सांगितले. त्यावरुन सदर पथकाने त्याठिकाणी जाऊन त्या मोटरसायकली ताब्यात घेऊन त्याचे चेसिस व इंजिन नंबर वरून पडताळणी केली असता सदरच्या मोटरसायकली या लातूर शहरातील विविध पोलीस स्टेशनच्या हद्दीतुन चोरी झाल्याचे निष्पन्न झाले ते पुढील प्रमाणे.

1) पो स्टे शिवाजीनगर

    cr no 485/21  379 IPC

2) पोस्टे शिवाजीनगर 

  Cr no 387/21 379 IPC

3) पोस्टे गांधी चौक 

   cr no. 650/21 379 IPC

4)  पोस्टे विवेकानंद चौक

    Cr no 152/21 379 IPC

5) पोस्टे एम आय डी सी 

    cr no 255/21 379 IPC असे असल्याचे दिसून आले.

                तसेच इतर दाखल असलेल्या मोटार सायकल चोरीच्या गुन्ह्यातील  06 मोटारसायकली असे मिळून एकूण 11 मोटरसायकल किंमत 03 लाख 48 हजार रुपयेचा मुद्देमाल सदर इसमाकडून कडून हस्तगत करण्यात आला आहे.

            रोहित अलगुडे यास पोलीस ठाणे शिवाजी नगर येथील गुन्हा रजिस्टर क्रमांक 387/2021 कलम 379 भा द वि या गुन्ह्यात अटक करण्यात आली आहे. शिवाजीनगर पोलीस स्टेशन पोलीस चे पोलीस अधिकारी अमलदार गुन्ह्याचा पुढील तपास करीत आहेत.

             सदरची कामगिरी वरिष्ठांचे मार्गदर्शनात स्थानिक गुन्हे शाखेचे पोलीस निरीक्षक श्री.गजानन भातलवंडे यांचे मार्गदर्शनात सहाय्यक फौजदार संजू भोसले, संपत फड ,चंद्रकांत डांगे ,बंटी गायकवाड, सिद्धेश्वर जाधव , प्रदीप चोपणे यांनी पार पाडली.