बालकांना निवासी सेवा पुरविणाऱ्या संस्थांच्या तपासणीसाठी गठीत समितीवर अशासकीय सदस्य नियुक्तीसाठी पात्र उमेदवारांनी अर्ज करावेत

 बालकांना निवासी सेवा पुरविणाऱ्या संस्थांच्या तपासणीसाठी

गठीत समितीवर अशासकीय सदस्य नियुक्तीसाठी पात्र उमेदवारांनी अर्ज करावेत

 

हिंगोली, (शेख इमामोद्दीन ) दि. 24 : बाल न्याय (मुलांची काळजी व संरक्षण) 2015 च्या कलम 54 नुसार बालकांना निवासी सेवा पुरविणाऱ्या शासकीय तसेच स्वयंसेवी संस्थांच्या तपासणीसाठी जिल्हास्तरावर तपासणी करण्यासाठी समिती गठीत करावयाची आहे. या समितीमध्ये एका अशासकीय व्यक्तीची तीन वर्षासाठी नियुक्ती करावयाची आहे.

अशासकीय सदस्य पदासाठी संबंधित व्यक्ती किमान पदवीधर असणे आवश्यक आहे. तसेच बाल हक्क, काळजी व संरक्षण आणि बाल कल्याण क्षेत्रातील किमान दहा वर्षाचा अनुभव असणे आवश्यक आहे. त्यांचे वय 35 पेक्षा कमी व 65 पेक्षा जास्त नसावे. ही नेमणूक नेमणुकीच्या दिनांकापासून तीन वर्षाच्या कालावधीपर्यंत राहणार आहे.

वरील अटींची पूर्तता करणाऱ्या पात्र व काम करण्यास इच्छुक उमेदवारांनी आपले अर्ज, बायोडाटा व अनुभवाच्या पुराव्यासह दि. 4 एप्रिल,2022 रोजी सायंकाळी 5.00 वाजेपर्यंत जिल्हा महिला व बालविकास अधिकारी कार्यालय, एस-7, दुसरा मजला, मध्यवर्ती प्रशासकीय इमारत, हिंगोली येथे स्वत: सादर करावेत. या तारखेनंतर आलेले प्रस्ताव कोणत्याही परिस्थितीत स्वीकारले जाणार नाहीत याची नोंद घ्यावी, असे आवाहन जिल्हा महिला व बालविकास अधिकारी, हिंगोली यांनी प्रसिध्दीपत्रकाद्वारे केले आहे.