राष्ट्रसंत डॉ. शिवलिंग शिवाचार्य महाराज यांचे दु:खद निधन
राष्ट्रसंत डॉ. शिवलिंग शिवाचार्य महाराज (वय १०४ वर्षे) यांचे दि १ सप्टेंबर २०२० मंगळवार रोजी यांचे निधन झाले. गेल्या काही दिवसांपासून त्यांच्यावर उपचार सुरु होते. रुग्णालयातच त्यांची प्राणज्योत मालवली. दरम्यान, गेल्या आठवड्यात शिवाचार्य महाराज जिवंत समाधी घेणार असल्याची अफवाही पसरली होती. सोशल मिडियांवर महाराजांच्या व्हिडीओंनी अक्षरशः धुमाकूळ घातला होता.डॉक्टर शिवलिंग शिवाचार्य महाराजांनी पाकीस्तानातील लाहोर विद्यापीठातून वैद्यकीय अभ्यासक्रमाची पदवी मिळवली आहे. तसंच जिल्ह्यातील पहिले डॉक्टर म्हणूनही त्यांची ओळख आहे. महाराजांनी नांदेड शहरापासून सहा किलोमीटर अंतरावरील नांदेड रोडवर 14 एकर परिसरात 2007 मध्ये भक्तीस्थळाची स्थापना केली. या भक्तीस्थळावर महादेव मंदीर व प्रार्थना स्थळ असून तिथेच महाराजांचे वास्तव्य होते. भक्तीस्थळावर सामुहिक विवाहासाठी विनामूल्य जागा दिली जाते.
अहमदपूर येथील मठासाठी राजशेखर विश्वंभर स्वामी तर हडोळतीच्या मठासाठी अभिषेक राजकुमार स्वामी यांची उत्तराधिकारी म्हणून नियुक्ती करण्यात आल्याचे काही दिवसांपूर्वीच जाहीर करण्यात आलं होतं. हे दोघेही महाराजांचे भाऊ मन्मथअप्पा स्वामी यांचे नातू आहेत.
अंत्यदर्शनासाठी गर्दी करू नये, ही नम्र विनंती.
राष्ट्रसंत डॉ. शिवलिंग शिवाचार्य महाराज यांचे दु:खद निधन झाले आहे. लातूर जिल्हा प्रशासनाकडून त्यांना भावपूर्ण श्रद्धांजली. अहमदपूर येथे आजच त्यांच्यावर शासकीय इतमामात विधीवत अंत्यसंस्कार केले जाणार आहेत. कोरोना संसर्गजन्य आजाराच्या पार्श्वभूमीवर कृपया कोणीही त्यांच्या अंत्यदर्शनासाठी गर्दी करू नये, ही नम्र विनंती.
याच फेसबुक पेजवरून अंत्यदर्शन आणि अंत्यसंस्कार विधींचे लाईव्ह प्रक्षेपण करण्यात येणार आहे.
जी. श्रीकांत,
जिल्हाधिकारी तथा जिल्हादंडाधिकारी, लातूर
0 टिप्पण्या
Do not enter this spam link in comment comment box.