*कर्णकर्कश आवाज करणाऱ्या 100 माॅडीफाय सायलेन्सर्स चा उदगीर शहर पोलिसांकडून चुराडा.*
लातूर (प्रतिनिधी )याबाबत अधिक माहिती अशी की, दुचाकींना मॉडीफाय केलेले सायलेन्सर, हॉर्न लावून कर्णकर्कश आवाज करत फिरणारे दुचाकीस्वार सर्रासपणे वाहतूक नियमांचे उल्लंघन करीत हॉस्पिटल्स,शाळा, महाविद्यालये तसेच इतर शांत व सार्वजनिक ठिकाणी कर्णकर्कश हॉर्न, मॉडीफाय सायलेन्सरने मोठ्या प्रमाणात ध्वनिप्रदूषण करत फिरतात. शिवाय या कर्णकर्कश आवाज करणाऱ्या माॅडीफाय सायलेन्सर्स व कर्णकर्कश हॉर्नचा अनेकांना विनाकारण त्रासही होतो.
दुचाकीवरून हवा करत फिरणाऱ्या अशाच अतिउत्साही युवकांची हवा काढण्याची व त्यांना मोटार वाहन अधिनियम कायद्याचा पाठ शिकवण्यासाठी पोलीस अधीक्षक श्री. सोमय मुंडे यांच्या मार्गदर्शनात उदगीर शहर पोलीस ठाणेचे पोलीस निरीक्षक परमेश्वर कदम यांचे नेतृत्वात वेळोवेळी कार्यवाही करण्यात येत आहे. मॉडीफाय सायलेन्सरला आळा घालण्यासाठी पोलिसांकडून विविध मार्गाने उपाय योजना करण्यात येत आहेत.
उदगीर शहरामध्ये वाहतुकीची मोठ्या प्रमाणावर समस्या असून त्यास भरीत भर म्हणून शहरात मोठ्या प्रमाणावर मॉडिफाइड सायलेन्सर वापरून आवाज काढत मोठ्या प्रमाणावर बुलेट रस्त्यावर होते, वाहतूक नियमन करताना अशा बुलेट धारकावर विशेष मोहिमेअंतर्गत कठोर धडक कारवाई मागील सहा महिन्यात करण्यात येऊन शंभरहून अधिक मॉडिफाइड बुलेट धारकावर दीड लाख रुपये दंड आकारून सदर सदरचे सायलेन्सर जप्त करण्यात आले होते.त्यांच्यावर आज रोजी रोड रोलर फिरून ते नष्ट करण्यात आले आहेत.
उदगीर शहरातील वाहतूकदारांना आवाहन आहे की, असे ध्वनी प्रदूषण करणारे अनधिकृत मॉडिफाईड सायलेन्सर वापरू नयेत. त्याचप्रमाणे फॅन्सी नंबर प्लेट दादा, काका, भाऊ अशा वापरणाऱ्या वर आणि विना नंबर वाहन वापरणाऱ्या वर धडक कारवाई करण्यात येणार असून नागरिकांनी वाहनधारकांनी तात्काळ फॅन्सी नंबर्स स्वतःहून काढून घ्यावेत. मोटरसायकलवर आरटीओ मान्यता प्राप्त फॉरमॅटमध्येच नंबर देखील टाकण्यात यावेत अन्यथा अशी वाहने दंडास पात्र ठरतील.
त्याचप्रमाणे मोठ्या प्रमाणावर रिक्षांची संख्या असून रिक्षामध्ये अनाधिकृत पद्धतीने साउंड बॉक्स रिक्षामध्ये लावून मोठ्या आवाजात गाणे घोंगट केला जातो ही बाब निदर्शनास आल्यानंतर धडक कारवाई करून सदर रीक्षा मधील 90% अधिक रिक्षा मधील साउंड बॉक्स काढून टाकण्यात आले आहेत.
त्याचप्रमाणे मध्यभागी वापरण्यात येणारा आरसा देखील काढण्यात आला आहे आणि रिक्षा धारकांना युनिफॉर्म खाकी हा बंधनकारक करण्यात आलेला असून त्यांनी त्याचं पालन करणे आवश्यक आहे अन्यथा अशा रिक्षाचालकावर पोलीस प्रशासनाकडून धडक कारवाई करण्यात येणार आहे.
अशाप्रकारे कार्यवाही करत उदगीर शहर पोलिसाकडून नियमबाह्य मॉडीफाय सायलेन्सर जप्त करण्यात आले होते. ते आज दिनांक 07/11/ 2023 रोजी त्या 100 नियमबाह्य/ मॉडीफाय सायलेन्सर, कर्णकर्कश हॉर्न पंचा समक्ष रोडरोलर चालवून नष्ट करण्यात आले असून ते भंगारात विकून त्यातून मिळालेले पैसे शासनास जमा करण्यात आलेले आहेत.
सदर कारवाई पोलीस अधीक्षक श्री. सोमय मुंडे, अपर पोलीस अधीक्षक डॉ . अजय देवरे, उदगीर उपविभागाचे उपविभागीय पोलीस अधिकारी श्री. दिलीप भागवत यांच्या मार्गदर्शनात पोलीस निरीक्षक परमेश्वर कदम यांचे पथकातील शहर वाहतूक शाखेतील पोलीस अमलदार मोती पवळे अवी फुलारी, गणेश बामणे, पाटील, शिवपुजे यांच्या पथकाने केलेली आहे.
0 टिप्पण्या
Do not enter this spam link in comment comment box.