जी.डी.सी.अँड ए परीक्षेला 24 मेपासून प्रारंभ

 जी.डी.सी.अँड ए परीक्षेला 24 मेपासून प्रारंभ

लातूर, दि. 20 (जिमाका) : सहकार आयुक्त व निबंधक, सहकारी संस्था, महाराष्ट्र राज्य, पुणे यांच्या कार्यालयामार्फत 24,25 व 26 मे, 2024 रोजी जी.डी.सी.अँड ए परीक्षेचे आयोजन करण्यात आले आहे. लातूर शहरातील सिग्नल कॅम्प शासकीय रूग्णालयासमोरील श्री मारवाडी राजस्थान विद्यालय येथे ही परीक्षा होईल.

ज्या विद्यार्थ्यांना परीक्षेचे हॉल तिकीट मिळालेले नाही अथवा मोबाईलद्वारे संदेश प्राप्त झालेले नाही, अशा विद्यार्थ्यांनी पॅनकार्ड, निवडणूक ओळखपत्र, ड्रायव्हिंग लायसन्स व अनुषंगिक फोटो ओळखपत्रासह जिल्हा उपनिबंधक, सहकारी संस्था, प्रशासकीय इमारत, जुने जिल्हाधिकारी कार्यालय परिसर, लातूर येथे किंवा 02382-245193 या दूरध्वनी क्रमांकावर संपर्क करावा अथवा परीक्षेच्या दोन तास अगोदर परीक्षा केंद्रावर संपर्क साधावा, असे आवाहन लातूर जिल्हा उपनिबंधक सहकारी संस्था तथा चीफ कंडक्टर, जी.डी.सी.अँड ए परीक्षा यांनी केले आहे.